Правілы супольнасці
WBO — бясплатны інструмент для малявання, даступны ўсім, у тым ліку дзецям. Падчас малявання памятайце пра наступныя правілы. Мадэратары могуць блакіраваць карыстальнікаў, якія іх парушаюць.
-
Не пашкоджвайце чужыя малюнкі
Перш чым змяняць чужую працу, спытайце дазволу. Не сцірайце, не закрывайце, не перамяшчайце яе і не змяняйце яе памер без дазволу. Пакідайце дастаткова месца, каб аўтар мог працягнуць малюнак.
-
Не засмечвайце дошку спамам
Не запаўняйце дошку паўторнымі малюнкамі, тэкстамі або спасылкамі. Не рэкламуйце на дошцы свае тавары або паслугі.
-
Не пераследуйце іншых карыстальнікаў
Не абражайце, не пераследуйце і не цкуйце іншых карыстальнікаў. Забараняецца распаўсюджваць чужую прыватную інфармацыю без дазволу. Пакіньце чалавека ў спакоі, калі ён пра гэта просіць. Не хадзіце за ім па дошцы, каб правакаваць яго, і не падбухторвайце іншых да нападаў на яго.
-
Не прапагандуйце нянавісць або гвалт
Не прапагандуйце нянавісць або дыскрымінацыю паводле этнічнай або нацыянальнай прыналежнасці, расы, рэлігіі, полу, сексуальнай арыентацыі, гендарнай ідэнтычнасці або інваліднасці. Карыкатуры, якія распальваюць нянавісць, забароненыя.
Не пагражайце людзям і не заахвочвайце, не ўслаўляйце і не апраўдвайце гвалт супраць іх.
-
Не размяшчайце сексуальны кантэнт
Несексуальныя выявы аголеных дарослых дазволеныя, у тым ліку маляванне аголенай натуры і навучальныя анатамічныя малюнкі.
Выявы сексуальных дзеянняў, мастурбацыі, фетышаў і сексуалізаваныя выявы забароненыя. Выявы аголеных або сексуалізаваных дзіцячых персанажаў забароненыя, у тым ліку выдуманых.
-
Не малюйце натуралістычныя сцэны калецтваў або катаванняў
Можна абмяркоўваць або адлюстроўваць вайну, смерць і іншыя трывожныя падзеі без натуралістычных падрабязнасцей.
Не малюйце аголеныя ўнутраныя органы, расчляненне цела, а таксама падрабязныя выявы цяжкіх раненняў або катаванняў.
-
Не абыходзьце меры мадэрацыі
Выконвайце патрабаванні мадэратараў спыніць парушэнне правілаў. Не абыходзьце дзейную блакіроўку і не дапамагайце іншым яе абысці. Не помсціце мадэратарам ні ў якой форме.
-
Выконвайце заканадаўства, якое на вас распаўсюджваецца
На гэты сайт распаўсюджваецца заканадаўства Францыі. Усё, што незаконна ў Францыі, забаронена.
Акрамя таго, вы адказваеце за свае дзеянні на дошцы паводле любога іншага заканадаўства, якое на вас распаўсюджваецца.
Мадэратары могуць папярэджваць або часова блакіраваць карыстальнікаў, якія парушаюць гэтыя правілы. За сур'ёзныя парушэнні могуць заблакіраваць без папярэджання.
У кожнай блакіроўкі ёсць тэрмін заканчэння. Калі ён скончыцца, можна вярнуцца. Калі вы зноў парушыце правілы, вас могуць адразу заблакіраваць паўторна, без новага папярэджання. За паўторныя парушэнні тэрмін часовай блакіроўкі можа быць даўжэйшым.